Liðsmenn Trausta eru Sörlafélagar sem stunda hestamennsku í Hafnarfirði og á Selfossi. Þau Bjarni, Bryndís og Þorgerður Gyða hafa keppt áður í deildinni en Darri og Inga Kristín taka þátt í fyrsta skipti. Styrktaraðilar liðsins eru auk Trausta fasteignarsölu, Ásland hrossarækt, Böddi ehf, Frosti ÞH, Harðbakki og Smiðjan listhús.
Darri Gunnarsson
57 ára
Starf: Verkfræðingur
Hestamannafélag: Sörli
Bjarni Sigurðsson
Aldur: 51
Starf: Framkvæmdastjóri/Smiðjan Listhús
Hestamannafélag: Sörli
Bryndís Arnarsdóttir
Aldur: 25 ára
Starf: Vaktstjóri í Krónunni
Hestamannafélag: Sörli/Sleipnir
Inga Kristín Sigurgeirsdóttir
Aldur: 34 ára
Starf: Tanntæknir
Hestamannafélag: Sörli
Þorgerður Gyða Ásmundsdóttir
Aldur: 33 ára
Starf: Hárgreiðslukona
Hestamannafélag: Sörli
Hinrik Sigurðsson
Þjálfari
Heimahagi er ung og framsækin hrossarækt í eigu Jóhanns Ólafssonar og Þorbjargar Stefánsdóttur. Hjá Heimahaga er stunduð metnaðarfull ræktun og einbeitir Heimahagi sér fyrst og fremst að ræktun og sölu keppnishrossa. Markmð Heimahaga er að rækta falleg og fasmikil hross með mikla getu, gott geðslag og mikinn fótaburð. Heimahagi á margar glæsilegar og vel ættaðar merar, þar á meðal glæsihryssuna Krít frá Miðhjáleigu og móðir hennar Dröfn frá Stað, Gjöll frá Skíðbakka, Berglindi frá Húsavík og Evelyn frá Litla-Garði. Ræktunin fær að jafnaði 10 folöld á ári. Þetta er í þriðja sinn sem Heimahagi tekur þátt í áhugamannadeildinni.
Lið KIDKA er skipað hestamönnum úr Húnaþingi vestra sem öll eru félagar í Hestamannafélaginu Þyt. KIDKA er framleiðslufyrirtæki fyrir prjónavörur og framleiðir sína eigin vörulínu úr íslenskri ull. Vörumerkið stendur fyrir fallegar og þægilegar hágæða ullarvörur sem fylgja alltaf nýjustu tískustraumum. Framleiðslan fer eingöngu fram á Íslandi. Vörurnar frá KIDKA er að finna í verslunum um land allt. Verksmiðjan er staðsett á Hvammstanga. KIDKA framleiðir talsvert af vörum fyrir hesta og hestamenn. Ullarábreiður fyrir hesta með og án hálskraga, undirdýnur undir hnakka og hnakkahlífar. Að ógleymdum peysum, húfum og fleira sem nýtist íslenskum hestamönnum. Eigendur fyrirtækisins eru Irina Kamp og Kristinn Karlsson. 
Límtré Vírnet er íslenskt iðnfyrirtæki sem byggir starfsemi sína á margreyndum framleiðsluferlum. Fyrirtækið hefur þjónustað byggingariðnaðinn í yfir 60 ár með framleiðslu og sölu á gæðavörum fyrir íslenskan byggingariðnað, og meðal annars sérhæft sig í byggingu á hesthúsum og reiðhöllum. Límtré Vírnet kappkostar að veita góða og persónulega þjónustu þar sem þarfir viðskiptavinarins eru hafðar að leiðarljósi.
Lið tölthesta er skipað reynslumiklum knöpum sem allir eru á besta aldri. Liðsstjóri liðsins sagði frá því í samtali við Eiðfaxa að markmið liðsins væri að skemmta sér og öðrum í vetur. Toelthester Hnakkar eru leiðandi við þróun á hnökkum með áherslu á gæði, þægindi og velferð hests og knapa. Hnakkarnir eru framleiddir í Evrópu og einungis notað hágæða leður og virki. Þróun hnakkanna byggjast á ábendingum frá reiðmönnum og prófunum síðustu 20 ára. Markmið Toelthesta er að reiðmaðurinn prófi og finni hnakkinn sem henti hverjum og einum.
Vagnar og Þjónusta er rótgróið fyrirtæki sem stofnað var árið 1987. Fyrirtækið er með víðtæka starfsemi og má nefna að þar eru smíðaðar margar gerðir af kerrum auk þess að selja allt til smíði á kerrum, hestakerrurnar frá Vögnum og Þjónustu hafa flotið mikið lof. Þá sérhæfir fyrirtækið sig í smíði á bílskurs- og iðnaðarhurðum auk þess að smíða vörukassa á vöruflutningabíla.
