Nú eru einungis 14 dagar í fyrstu keppni í hina vinsælu mótaröð Áhugamannadeildar Spretts – Gluggar og Glerdeildin 2016. Við hefjum deildina á fjórgangi sem fram fer fimmtudaginn 4. febrúar næstkomandi. Ljóst er að mikil spenna er komin fyrir deildinni og mikill metnaður er í liðunum.

Spennan er í hámarki og til að fleiri geti upplifað undirbúninginn hefur verið stofnað Snapchat reikningur fyrir Gluggar og Gler deildina. Við hvetjum alla til að bæta deildinni við á Snapchat en í kvöld munu fyrstu Snöppin birtast á My Story hjá Gluggar og Gler deildinni. Í kjölfarið taka liðin við Snappinu og munu þau setja inn það sem þau eru að fást við í aðdraganda mótanna. 

Hægt er að taka mynd af meðfylgandi mynd til að bæta deildinni við á Snapchat eða með því að leita að „ahugamannadeild".